TAFAKKUR JARAYONIDA METAFORANING ROLI

Abstract

Metafora haqidagi nazariy tushunchalar ildizi ilm-fan doirasidagi aksar fundamental qarashlar singari qadim yunon faylasuflariga borib taqaladi. Aristotelning “Poetika”  va “Ritorika” asarlarida metafora haqida umumiy mulohazalar  berilgan bo`lib, u aksariyat metafora va o`xshatishni bir-biriga yaqin deb tushunadi: O`xshatish, metafora bo`lib, faqat undan joylashtirish usuli bilan farqlanadi, u  (o`xshatish – ta’kid bizniki. M.A.) uzunroq bo`lgani uchun jozibasi ozdir [1:156]. Aristotel, bu o`rinda uzunroq deb, o`xshatishni yuzaga keltiruvchi vositalar mavjudligini nazarda tutadi.